Friday, December 12, 2008

العد التنازلي



خلاص العد التنازلي شغااااااال
يااااااااااااااااااااااا رب
استر

Sunday, December 7, 2008

Happy Feast

عيد اضحي سعيد ان شاء الله
:):)

Tuesday, December 2, 2008

؟ ؟ ؟ ؟


كتير اوي بتيجي فترة علي الواحد و بتختلط عنده المشاعروالاحاسيس مع بعض
بيحس بالشيىء والنقيض في نفس الوقت بس الفترة دي مش بتطول
انا بقي بقالي فترة كبيرة بحس اني زعلانة وعايزة اعيط واصرخ بأعلي صوتي
و برضه احس اني فرحانة وعايزة اضحك واغني بأعلي صوت فيا والناس كلها تسمعني
بيجيلي وقت ابقي عايزة اسمع اغاني كئيبة جدا بس لما اشغل الاغاني مستحملش
واقلب واسمع اغاني مبهجة تخليني فرحانة وعايزة ارقص كمان
ساعات احس اني عايزة اخرج كل شوية ومشوفش البيت ده خالص
بس لما برجع احس البيت وحشني وابقي عايزة منزلش وافضل قاعدة فيه
ساعات كتير ابقي متفائلة وشايفة الدنيا وردي ومرة واحدة تقلب معايا اسود
كتير احب ابص للسما باليل وببقي مبسوطة وسرحانة مع النجوم واكون اشكال بالنجوم
وساعات لما ابص للسما احس ان قلبي مقبوض وخايفة وعايزة اعيط
وساعات اصحي من النوم فرحانة اوي من غير سبب وافضل طول اليوم مبسوطة
حتي لو حصلي مواقف سخيفة واعديها وكأنها محصلتش
ويوم تاني اصحي زهقانة ومش طايقة اي حد وحتي لو حصل اي موقف يفرحني مش ببقي مبسوطة
كل الحاجات دي بتحصلي من فترة قريبة
حاسة اني اتجننت او حتجنن
بس اغلب الوقت ببقي مبسوطة الحمد لله
حتي دلوقتي انا مبسوطة جدا مع اني الصبح مكنتش طايقة نفسي
السبب اللي خلاني مش طايقة نفسي معروف بس اللي خلاني مبسوطة جدا مش عارفاه
ياتري انا طبيعية ولا في حاجة, مش عارفة بقي
ان شاء الله خير :)





Friday, November 21, 2008

وحشتوني =)


ياااااااااه بقالي كتير مش بفتح بلوجر
وحشني والله والناس وحشتني
بس كله من الكلية (ربنا علي القوي) اميـــــــــن يا رب
انا قولت ادخل اشوف ايه الجو كده و اخرج تاني
عشان انا حالتي زي اللي في الصوره ده
و اعذروني لو مش بدخل واتابع المدونات عند الناس
ان شاء الله كل فترة كدة ادخل اشوف و اقرأ حاجات سريعه كدة :)
ســــــــــــــــــــــــــــلام

Thursday, October 2, 2008

Sunday, September 21, 2008

اميـــــن

اللهم انك عفو كريم تحب العفو فاعف عنا
اللهم بلغنا ليلة القدر
اميـــــن


Tuesday, September 16, 2008

new facebook :s


يا جماعة اللي زهقان من الفيس بوك الجديد اللي ملوش اي لازمة و غبي بجد لدرجة تنرفز
و عايز يرجع القديم يعمل كدة



add this application, then go to: http://apps.new.facebook.com/?fbnew_opt_out=1

انا جاتلي في مسج علي الفيس بوك و جربتها و تمام
بس يارب تفضل علي طول :s

Saturday, September 13, 2008

have no words to discribe you ;)


الانسان ده فعلا يتحب من غير حاجة والله
كفاية انه قادر يخرجك من اي حالة نكد انت فيها
او زهق او غيره
بسمعه بحس اني طايرة و مش في الدنيا و مش عايزة حد يخرجني من الاحساس ده خالص
فعلا كنت محتاجة ده بقالي كتييير
والحمدلله جت في وقتها
انسان عبقري فعلا و مفيش واحد في مصر وبره مصر مبيحبوش
لانه رهيــــــــــــــــــــــب بجد بضحكته الجميلة الطيبة دي
مش عارفة اقولك ايه :)
بحبك
دي صور من الحفلة

______________________________________
وبعد ده كله تلاقي ناس عايزة الحرق و مش سايبين الواحد في حاله
و يرجعوه للهم والنكد تاني
______________________________________
و بقول تاني وتالت ورابع
ياناس يا ((.........))
كفـــــــــــــــــــــــــــــايه

Saturday, September 6, 2008

كفاية بقــــــــي


مش كفاية كدة ولا ايه؟
ارحمونا بقي
عشان ربنا يرحمكوا
حـــــــراااااااااااااااااااام

Saturday, August 30, 2008

اهو جيه ياولاد



مش مصدقة ان رمضان خلاص بكرة
يااااااااااااااه اخيراا
متتصوروش رمضان بيفرحني اد ايه
حتقولوا بيفرح كل الناس
بس مش ادي بردو :p
بحب كمان اليومين اللي قبل رمضان
وانا بتفرج علي اخويا و اصحابه و هما بيعلقوا الزينة و النور وكدة
وانا مشغلالهم في البيت اغاني رمضان
واخواتي بيحطوا الحجارة في الفوانيس و نسمع اغنية كل فانوس
بحب اوي الجو ده والطقوس دي
و طبعا اليوم اللي قبل رمضان علي طول اللي هو انهاردة
بلاقي كل سنة ناس كتـــــــير اونلاين
صحابي في الكلية و المصيف وحتي الناس اللي مبتدخلش بلاقيها قاعدة اليوم ده
بحس احساس مختلف كدة
و المسجات بتاعة كل سنة
وبتكون علي طول مختلفة عن السنة اللي قبلها و كلام جديد
وطبعا مننساش لمسات المواطن المصري في بعض الرسائل الظريفة اللطيفة
:D

وانك تبقي محضر نفسك تشوف الفوانيس في كل مكان في الشارع

و موائد الرحمن

نيجي بقي للسحور:
سحور اول يوم
طبعا طبق الفول المحترم



و بعدها الزبادي بس بلاش زبادي اكتيفيا
:Dعشان ميهضمش الاكل بسرعة
و بعدين نصلي الفجر و ننام
و نصحي اول يوم رمضان بقي
نقرأ في القرأن جزء كل يوم
عشان نختمه بأذن الله

نيجي بقي للعزومات في رمضان متتوصاش
القرايب و الصحاب و الديش بارتيز والحركات
بس احنا اول يوم علي طول بنكون لوحدنا
الاسرة بس يعني.
اول ما نسنع صوت المدفع و الاذان
نشرب كوباية البلح بالبن
كلنا
بنحبه في البيت
واساسي قبل الفطار
وبعدين زمان كان بكار بييجي علي الفطار

ياريت ييجي تاني السنه دي عشان بحبه اوي :))

و الاكل بقي :
اول يوم لا يخلي من محشي ورق العنب


شيء اساسي في اول يوم
غير طبعا الحاجات التانية



و بعد ما الواحد يدبها علي الفطار
و ميعرفش يأخد نفسه يصلي المغرب
و يرشق قدام التليفزيون يفلي كل القنوات
ونشوف كل قناه بتعرض ايه و نقرر حنتفرج علي ايه
بعد شوية اكيد بنجوع تاني
هههههههههههه
ندخل علي الحلو بقي
قطايف و كنافة و بلح الشام


وبعدين نحضر نفسنا عشان ننزل نصلي التراويح
و اتصل بصحابي و نتقابل و ننزل سوا نصلي كلنا
*بحب اوي الاقي الناس كتير نازلة
والجوامع كلها زحمة

بس مش كل يوم بنزل ساعات بصلي في البيت
بس اخر 10 ايام بنزلهم كلهم
ربنا يقدرنا السنة دي و ننزل كل يوم
وبعد ما نرجع بقي
نكمل المسلسلات و القعدة قدام التليفزيون
و نشرب كوباية التمر هندي بتاع مامتشي حبيبتشي :))

و بعدين اللي عايز ينام ينام
واللي صاحي صاحي و بنتجمع تاني علي السحور و هكذا....


((بحب اوي اعيش رمضان بكل تفاصيله و لو حاجة مش موجودة بتضايق اوي))

بس بحاول اعمل كل حاجة تخليني استمتع بيه بجد
كل سنة وانتوا طيبين والناس كلها بخير
و بأذن الله رمضان السنه دي نحاول نلم حسنات علي اد ما نقدر
واللي عايز يتغير للاحسن عنده فرصه كبيره
واللي عايز يعمل خير
واللي عايز يتوب
ربنا يتقبل مننا ان شاء الله
رمضان كريم :)


Friday, August 22, 2008

كله منك بس حفضل احبك



فرحانة
زعلانة
مبسوطة اوي
متضايقة كمان
كله مرة واحدة
تعبت بجد
بس بفكر اكتر في الحاجات اللي مفرحاني
و بحاول انسي اللي مزعلني وبتعامل عادي
المشكله اني نفسي اكون احسن في كل حاجة

بحاول كتير وبفشل اكتر
بس بردو بحاول يمكن وليه لأ
والمشكله الاكبر اني متعلقه بحاجات ملهاش لازمة عدت وفاتت
كله من البحر لما بكون قدامه بحس احاسيس مختلفة
بيفرحني كتير و يضايقني اكتر بس بردو بحبه و بعشقه كمان
و بشوف فيه كل حاجة عملتها و عايزة اعملها
والمرة دي الجرعة كانت كبيرة شوية كنت بقعد علي البحر بعد الفجر و اشوف الشروق
وفي المغرب و اشوف الغروب
وكل ما ابص للبحر ابقي عايزة اعيط اوووووي بس للاسف معانا ناس و مش بعرف اعيط و حد شايفني
(((للعلم بس ده مش المصيف بتاع الجامعة ده اللي كان مع اهلي وناس صحابنا كدة متعودين نروح كل سنه مع بعض )))
و من الحاجات اللي كانت بتيجي في دماغي علي البحر
عايزة اعمل المشروع بتاعي بعد ما اتخرج و مكسلش
عايزة اقابل واحد يحبني بجد واحبه عشان بجد قليل اوي لما الواحد يقابل حد يحبه حب حقيقي

لدرجة اني قربت اكره الحب :(

عايزة ابقي حاجة كويسة و ابقي انسانه ليها دور في اي حاجة كويسة
هو انا اه بعمل حاجات كويسة بس عايزة الناس تشاور عليا في يوم و تقول شايفين البنت دي بتعمل ايه
بس حاسة بحاجة مكتفاني مخلياني معملش حاجة
يالا رمضان جاي و ربنا يسهلنا كلنا امورنا
و بأذن الله اعمل حاجات كويسة في رمضان عشان يبقي الثواب مضاعف
واعمل refresh كدة لكل حاجة

وكمان احضر نفسي للتربية العملي اللي المفروض نازلاها و معرفش لسه
حنزل مدرسه ايه؟؟؟
اهو احاول اظبط كل حاجة كدة عشان استريح يمكن الدوشة دي اللي عامله فيا كدة
و كل سنه وانتوا طيبين
ورمضان كريم :)

Monday, August 4, 2008

I'm Gonna Miss You All


مســــــــــــــــافرة اخيرا
و مش اي سفر
ده مع صحابي بس
يعني مفيش اهل و الكلام ده
برده عشان مخكوا مايروحش بعيد و تقولوا ايه البت السايبة دي :D
ده مصيف تبع الجامعة لمطروح
و بنات بس
دي تاني مرة اطلعها
و كانت جامدة اوي
و يارب تتطلع حلوة السنه دي
و ربنا يستر و نرجع بالسلامه
اشوفكوا بعد اسبوع او ممكن بقي اسافر بعدها مصيفنا احنا بتاع الاسره الكريمه :) و
كدة بقي اشوفكوا بعد اسبوعين او حاجة كدة
ســــــــــــــــــــــــــــــــــلام :)

Monday, July 28, 2008

feel dead inside




ليه دايما الواحد مبينساش الجرح

مع انه ممكن ينسي اي حاجة حلوة حصلتله

دايما الجرح ده بيكون قدام عنينا

و مبنقدرش نسامحه بسهوله

ولو حتي سامحنا برده بنكون مش زي الاول

و في حاجة اتكسرت جوانا

وليه كمان مش بنقدر نعدي و نتجاوز اللي حصل

غير بخساير اكتر من اللي ممكن نستفيده

والخساير دي ممكن تكون في احساسنا و في عواطفنا و صحتنا كمان

بجد الجرح ده اصعب حاجة في الوجود

و كمان لما يكون من حد انت مش متوقع منه كدة
ولا كنت تتخيل انه ممكن يعمل كدة
وممكن تكون شايف اللي جرحك مش همه اي حاجة
وقادر يعيش و ينسي
وانت برده مش قادر تنسي.
ومش عارف تعيش
طب معناه ايه لما تبقي مجروح من حد جرح جامد اوي

وانت كمان مش غلطان

و مستعد كمان تسامحه

((رغم كل الل حصل بعترف مش قادرة انساك و مش حقدر انساك))

ربنا يوفقك

Saturday, July 26, 2008

.....!!!!



لو كنت نسيتني

انا فاكرك لسه و مش عارف ازاي هنساك

و اللي مطمني

قلبي بيحلفلي انك ليا و محتاجلي معاك

و بجد كتيـــر

بقي بعد ما عشت معاك عمري

بحلم بلقاك

:(


(Hossam hapip-zay elayam de)
تحديث:
حسام حبيب

Monday, July 21, 2008

سمعونا احلي زغروطة


الحمد لله
الفرحة كملت
و نجحــــــــــــــــــــــــــــــــت يا جدعان

مش مصدقة والله

يارب الناس كلها تنجح السنه دي واللي جايه

واللي بعدها و طول حياتهم

واللي مخلص يارب يلاقي شغل

واللي بيشتغل ربنا يكرمه

و كل حاجة حلوة انتو عايزينها :))))

يا خراشي مش مصدقة حد يقرصني

ايييي مش اوي كدة :D

يلا كفاية رغي عشان اروح اقفش هدية النجاح ;)

الحمـــــــــــــــــــــــــــــــد لـــــــــاـــــــــــــه

Monday, July 14, 2008

تعالي في حضني يا دنيا


يـــــــــــــــــااااااه
اول مرة احس الاحساس دة بجد
فرحانة اوي و حاسه بالرضا اوي و الدنيا شكلها حتتعدل مع الواحد
من زماان اوي محستش بكدة
انك تبقي عايز حاجة و تحصل
حاجة من كتيير كنت عايزها و تجيلك دلوقتي
حاسه اني قادرة اوصل للي عايزاه دلوقتي
ممكن تكون فترة صغيرة بس حستغلها اسوء استغلال
حاسه بذاتي اوي
واني عايزة اعمل حاجات كتير في وقت صغير
بس ربنا يستر ان شاء الله و تكمل علي خير
و تكمل بالنجاح ( النتيجة قربت ) ربنا يستر
(يارررررب الناس كلها تحس بكدة )
فرحــــــــــــــــــــــــــــــــــــــــــــــــــــــــــــانه بجد : )

Saturday, June 14, 2008

&&& Salah Jaheen &&&


يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!
____________________________________________________________________






أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!


____________________________________________________________________







سهير ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!



____________________________________________________________________





عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!

____________________________________________________________________




ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!

____________________________________________________________________




علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قتلت ؟ ..... والا اتقتلت

عجبي !!



_____________________________________________________________________








أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!

____________________________________________________________________




إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!

_____________________________________________________________________









في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!

_____________________________________________________________________






يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

عجبي !!!
_____________________________________________________________________







ياللي نصحت الناس بشــــــــــــــرب النبيت

مع بنت حلوه .. وعود , وضحك , وحديت

مش كنت تنصحهم منين يكســــــــــــــــبوا

تمن ده كله ؟ ... و الا يمكن نســـــــــــيت

عجبي !!





_____________________________________________________________________
U Are My best Eveeeeeeeer

Tuesday, April 1, 2008

اعمل ايه....؟؟




اتخنقت اووووى من الفرااااااااغ

ايوة الفرااخ اللى هو الدجاج

مع مرق الكوسة العجيب (الذ الذ)هههه

لأ بجد انا عندى فراغ مع انى مشغولة اوووى

بس حاسه بفراغ بردو مش عارفة ليه؟؟؟؟

ممكن من كتر الدوشة اللى انا فيها مش عارفة اركز فى اى حاجة و حاسة بكدة

فزورة دى ولا ايه؟؟

Monday, March 31, 2008

I Say A Little Prayer


The moment I wake up
Before I put on my makeup
I say a little prayer for you
While combing my hair, now,
And wondering what dress to wear, now,
I say a little prayer for you
Forever, forever, you'll stay in my heart
and I will love you
Forever, forever, we never will part
Oh, how I'll love you
Together, together, that's how it must be
To live without you
Would only be heartbreak for me.
I run for the bus, dear,
While riding I think of us, dear,
I say a little prayer for you.
At work I just take time
And all through my coffee break-time,
I say a little prayer for you.
Forever, forever, you'll stay in my heart
and I will love you
Forever, forever we never will part
Oh, how I'll love you
Together, together, that's how it must be
To live without you
Would only be heartbreak for me.
My darling believe me,
For me there is no one
But you.
((Aretha Franklin - I Say A Little Prayer))

Friday, March 21, 2008






طبعا يوم زى ده محدش ينساه ولا ننسى نقول لأمنا كل سنه وانتى طيبة يا احلى ام والبوقين دول



طبعا كله لازم يقول كده بس بتفرق اوى فعلا وانت بتقولها قدامها ,وتحس كده انك متأثر و الكلام ده. ههههههه
و تقعد تفكر حتجيب ايه حتجيب ايه؟




ماهو كل حاجه عندها :D




.انا بقى فكرت انى اشحنلها رصيد اهو تجديد و خلاص


عشان فعلا الام دى من اجمل الحاجات اللى موجودة دلوقتى فى دنيتنا عشان مفيش حد يحبك ادها ولا فى حد يخاف عليك و ينصحك من قلبه زيها



خــــــــــلاص الناس اللى زى دول خلصوا من زمــــــــان



طبعا الاب بردوا بس انهارده بقى عيدها مالناش دعوه :D




كتيــــــــــــــــر اوى بنضايقها و نجرحها من غير ما نقصد بس اكيد لما بنحس بكده بنبقى عايزين نضرب نفسنا مية جزمة وتبقى عايز تروح تبوس ايديها وتأخدها فى حضنك عشان متزعلش







بس مبيحصلش بردو


انا عن نفسى مطلعه ....(عين مامتشى) ههههههههههههه




وكتير بتبقى عايزة تشد فى شعرها منى







بس هى بتستحمل اكيـــــد (بنتها بقى ) بس المصيبه انها بتستحملنى انا و اخواتى البنات و اخويا الصغنن , يعنى من الاخر بتعانى معانا



بس بجد انا مامتشى بالنسبالى اكتر واحده قريبه ليا




يعنى بتكلم معاها و بحكيلها كل حاجه و حطوا خط تحت كل حاجه


اكتر من اخواتى البنات مع ان سننا قريب اوى من بعض


و اكتر من صحابى


بس انا بتعجبنى دماغ مامتى , بحس كده انها فاهمانى وبتدينى الكلام المتين اللى الواحد بيبقى محتاج يسمعه فعلا :D


من يومين كده كنت راجعه من الكورس مع صاحبتى


وانا بقلب فى الراديو عندها فى العربيه سمعت اغنية ست الحبايب على الراديو


فقولت لشيرى (صاحبتى) الاغنية دى لما بسمعها و ماما واقفه جنبى ببقى عايزة اعيط



لقيتها ضحكت ضحكه طويــــــــــــــــلة, سألتها بتضحكى ليه؟



بتقولى انا برضوا كده والله




و قالتلى انا كنت فاكرة نفسى عبيطة او هبله عشان ببقى عايزة اعيط



انا بقى ضحكت و سكتت عشان كنت حقولها ده انا اللى كنت فاكره نفسى عبيطه



وقولت الحمد لله فى حد زيى :D


اتارينا حساسين زياده شويه :$



هههههههه



بجد الاغانى دى بتأثر فى الواحد اوووووى


عشان كدة لما الاغانى دى بتشتغل و مامتى جنبى بدخل اى حته اعمل اى حاجه



هى ممكن تفتكر ان الاغانى دى بتضايقنى او مش بتعنيلى حاجه




بس طبعــــا هى متعرفش اللى فيها :D


بجد انا عامله البوست ده مع انى عارفه انى ماما مش حتقراه بس كلام كان فى زورى و حبيت اقوله بقى



اخر حاجه اقولهالك


بحبك يا اغلى انسانه فى الدنيا متتخيليش اد ايه



ربنا يخليكى لينا انتى و بابا


يــــــــــــــــــــــــــا رب