Thursday, February 21, 2008

نفسى الاقينى



حاسه احساس رهيب و مش قادره اوصفه
احساس خانقنى و حيموتنى
و الاكتر من دة كله ان محدش حاسس بيا و مش لاقيه اللى احكيله و افضفضله
ومش لاقيه اللى يحس بيا من غير ما اشتكى!
حتى مش لاقيانى!
بجد حاسه انى مش لاقيانى و مش عارفة الاقينى
عايزة وقت اجمع فيه نفسى و اتكلم معاها و اشكيلها كل اللى جوايا.......!
كل اللى جوايا ......!
كله كله
عشان جوايا جاحات كتيرة انا مبقتش مستحملاها

نفسى اعمل فورمات لدماغى عشان استريح
بس حتى لو عملت كدة ,حرجع تانى مفيش فايدة
بسأل نفسى كتيييير ؟؟؟؟
هو ايه الاحساس دة ؟
و ليه بيجيلى كتييير؟
واعمل ايه عشان اخلص منه؟
انا فيا ايه؟
واللى فيا ده من ايه؟
وعشان ايه؟
وعشان مين؟
طب واخرتها ايه؟
بس بتعب اكتر لما مش بلاقى اجابة
ودماغى بتتعب اكتر من كدة
نفسى ابقى فى مكان مفيهوش حد غيرى و اصرخ اوووووووووى من جوايا
بس يعنى كدة ممكن استريح؟
لأ بس اكيد حبقى مرتاحة اكتر من الاول
........................!
قرارى الاخير انى حفضل ادورعليا لحد ما الاقينى
و الاقى وقت اتكلم فيه معايا
افهمنى ,احاسبنى واساعدنى
و مش حستسلم للى انا فيه
و مسيرى الاقينى......!

No comments: