أخيراً و ليس آخراً

اخيرا اجــــــــــازة

هي مش اجازة اوي بس اجازة بردو :D

بجد الاجازة دي جت في وقتها اوي

كنت قربت اتجنن من الدراسة والمذاكرة والامتحانات و طبعا

((كانت تأتي الامتحانات بما لا تحتوي الكتب ))

بس ربنا ستر الحمد لله

انا واخده الاجازة بقالي كام يوم بس مكنتش مستوعبة لسه ان انا في اجازة

يــــــــــــــااااه يعني انا كده حتفرج علي التليفزيون براحتشي

واقعد علي النت براحتشي (قال يعني مكنتش بقعد)

واخـــــــرج براحتشي ده انا كنت قربت انسي شكل الشارع

كان بيعدي عليا اسبوع واكتر مش بنزل خالص L

بجد اسوأ ايام في حياتي كلها كانت الايام اللي فاتت دي

انا اول مرة اعيط و يجيلي انهيار من مادة

انا اللي عمري ما ذليت نفسي للكتاب هههههههههه

جيه اليوم اللي اعيط فيه من ماده

هي مش ماده واحدة هما كانوا 2 بس امتحانهم في يوم واحد و وقت واحد ساعتين ليهم هما الاتنين

مادتين رياضة رياضة من اللي قلبك يحبها

بجد ربنا علي القوي

الحمد لله الايام دي خلصت علي خير

لسة بقي في انتظار النتيجة ربنا معانا كلنا

هي الاجازة دي مش كبيرة يعني بس احسن من مفيش

عايزة اريح نفسي الاجازة دي علي اد ما اقدر بجد

انا اسمع من ساعة ما دخلت الكلية ان سنة تالتة دي صعبة

بس مكنتش مقتنعة و اقول عادي يعني زيها زي اي سنة

بس لا لا لا لا لا

انيل من كدة مشوفتش وكمان لسه في ترم كمان

ربنا يستر يا رب و تعدي علي خير

انا بدعي لكل الناس اللي في سنة تالتة في اي كليه

تالته بــــــس :D:D

لا ربنا معانا كلنا اللي بيدرسوا واللي خلصوا

ويارب الاجازة دي تطول بأي شكل من الاشكال

عشان الواحد يقدر يكمل بعد كدة بدل ما يجراله حاجة

Happy Vacation